Debat për veriun: a e kontrollonte krimi i organizuar para vitit 2023?

Aktuale

Debat për veriun: a e kontrollonte krimi i organizuar para vitit 2023?

Më: 15 nëntor 2026 Në ora: 09:26
Foto nga emisioni

A e kontrollonte krimi i organizuar veriun e Kosovës para vitit 2023? Kjo pyetje i ndau panelistët e emisionit “KallxoPërnime”, të transmetuar të shtunën mbrëma në RTV Dukagjini, ku u diskutuan zhvillimet në Serbi dhe raporti i Komisionit Evropian për Kosovën.

Ish-anëtari i Këshillit Gjyqësor të Kosovës, Vilard Bytyqi, tha se para vitit 2023 krimi i organizuar e kontrollonte plotësisht veriun dhe se mungesa e sundimit të ligjit e pamundësonte punën e institucioneve. Alban Arifi e kundërshtoi, duke thënë se sovraniteti ka qenë i shtrirë në veri edhe më parë dhe se veprimi i një grupi kriminal në një zonë nuk duhet barazuar me mungesën e sovranitetit.

Arbër Jashari tha se Aleksandar Vuçiq ishte “ombrellë mbrojtëse” për grupet e interesit në veri dhe se dobësimi i strukturës së tij politike mund të ndikojë edhe te personat që Serbia nuk i ka dorëzuar në Kosovë.

Kreshnik Gashi tha se grupet e lidhura me Milan Radoiçiqin dhe Zvonko Veselinoviqin kanë gjeneruar miliona euro në Kosovë dhe i kanë shndërruar në fuqi politike në Serbi. Sipas tij, fondet janë administruar përmes Listës Serbe, kryetarëve të komunave dhe strukturave paralele.

Gazetari Idro Seferi tha se, sipas një ish-zyrtari të Sigurimit të Shtetit, Radoiçiqi është larguar në Rusi. Ai shtoi se grafitet “Kur të kthehet ushtria në Kosovë” janë nxitur nga njerëz të afërt me Vuçiqin.

Sot mund të lexoni Shfletoni kopertinat