Më 30 nëntor 2025, në Staten Island, kryqëzimi i Father Capodanno Boulevard me Seaview Avenue mori zyrtarisht nënemërtimin sinjalistik “Isa Boletini Way”.
Iniciatori dhe nikoqiri i kësaj ceremonie ishte Naser Nika.
Dy prej figurave më të mëdha të kombit — tashmë “bashkohen” simbolikisht çdo ditë në rrugët e Nju Jorkut, duke krijuar një mesazh të fuqishëm që lidh Kosovën dhe Shqipërinë në zemër të Amerikës.
Ceremonia solemne mblodhi qindra shqiptarë-amerikanë dhe miq nga komuniteti lokal.
Në mesin e të pranishmëve ishin të ftuarit e nderit:
Fatmir Gjeka, ministër i të Drejtave të Njeriut dhe Pakicave në Malin e Zi; Arben Fetai, zëvendëskryeministër i Maqedonisë së Veriut; kryetari i ri i Mitrovicës, Faton Peci; kryetari i Deçanit, Bashkim Ramosaj; kryetarja e qytetit Fairview në New Jersey, Violetta Berisha; deputeti i Partisë Demokratike, Belind Këlliçi; ambasadori i Kosovës, Blerim Reka dhe ambasadorja e Shqipërisë, Suela Janina; si edhe përfaqësues të shoqatave shqiptare dhe aktivistë të shquar të komunitetit. Po ashtu, e pranishme në ngjarje ishte edhe Mimoza Dajçi, një nga pasardhëset e familjes Boletini.
