Enilda Zeqiri me ambicie të mëdha në kërcim së gjati 

Atletika

Enilda Zeqiri me ambicie të mëdha në kërcim së gjati 

Nga: Kemajl Goca Më: 18 maj 2022 Në ora: 19:29
Enilda Zeqiri me ambicie të mëdha në kërcim së gjati 

Kosova ka një numër të madh të talenteve në disiplinat teknike të atletikës. 

Një emër që po vjen është edhe atletja e klubit Blinaja nga komuna e Lipjanit, Enilda Zeqiri.

Talentja po shënon rezultate të mira dhe së fundi zuri vendin e parë në kërcim së gjati për U-16 në Mitingun e Hapur, që u mbajt në stadiumin “Liman Gegaj” në Malishevë.

Image

Enilda ka ambicie të mëdha përveç që synon të thyejë rekordin e Kosovës, një ditë të tregojë potencialin edhe në garat ndërkombëtare. 

Ajo punon pareshtur që të përmirësojë edhe më shumë kërcimin. 

“Synimet e mija për kërcim së gjati janë që ta thyej rekordin brenda shtetit të Kosovës, pastaj të vazhdoj me tutje e të thyej rekorde dhe jashtë shtetit tim. Rekordi im personal është 4 metra e 43 centimetra”, thotë Enilda për gazetën kombëtare “Bota sot”. 

Atletja nga Blinaja thotë se nuk është vështirë të garosh në kërcim së gjati por një motiv shtesë: “Mendoj që nuk është edhe shumë e vështirë.

Image

Normal në fillim duket por pastaj ambientohesh dhe është shumë lehtë, vetëm duhet t’i mësojmë teknikat se si të kërcejmë dhe të ruajmë veten që te mos lëndohemi”.

A keni vështirësi, iu mungon terreni adekuat për kërcim së gjati?

“Vështirësi nuk kam përveç se terreni apo vendi që duhet të kërcejmë nuk e kemi këtu në komunën tonë, andaj stërvitjet nuk mund të mbajmë për këtë disiplinë të kërcimit”, thotë talentja. 

Enilda thotë se sa më e fortë është konkurrenca aq edhe më mirë.

“Konkurrenca tek grup-moshat U-16 ku jam edhe unë nuk është edhe shumë e dobët”, përfundon Enilda.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat