Kadri Shala: Synimet e Junikut, të shpërthejmë me disa atletë në garat ndërkombëtare 

Atletika

Kadri Shala: Synimet e Junikut, të shpërthejmë me disa atletë në garat ndërkombëtare 

Nga: Kemajl Goca Më: 4 qershor 2022 Në ora: 12:44
Kadri Shala

Po bëhet një madhe në klubin e atletikës Juniku.

Kryetrajneri i Junikut, Kadri Shala, punon me zell të shtuar me atletë dhe atlete, që të janë sa më të përgatitur për çdo disiplinë dhe për garat e ndryshme të edicionit të sivjetshëm.

Atmosfera në klub është jashtëzakonisht e mirë dhe motivi është i madh të çdo atlet e atlete qoftë në vrapime qoftë në disiplina teknike.

Image

KA Juniku

Kadri Shala flet edhe për rezultatet e klubit të tij në edicionin e sivjetshëm. 

“KA Juniku, si çdo herë edhe këtë vit e shoh me rezultate të mira, pra një pjesë e atletëve do t’i përmirësojnë rezultatet nga viti i kaluar”, thotë Shala për gazetën kombëtare “Bota sot”.

Cilat janë kushtet, ku stërviteni më shumë? “Kushtet si në të gjitha klubet, por meqenëse është sport individual punojmë e stërvitim sipas kushteve dhe mundësive”, përgjigjet kryetrajneri i Junikut.

Image

Synimet janë që të arrijnë rezultate sa më të mira, veçmas kanë disa atletë e atlete që premtojnë shumë edhe për sfidat ndërkombëtare. 

“Synimet e KA Juniku janë që të shpërthejmë me disa atletë në garat ndërkombëtare.

Këtë vit sipas rezultateve të deritanishme veçoi atletin Albian Kuqi në hedhjen e gjyles, Arbesa Shala në hedhjen e gjyles dhe diskut. Gjithashtu duhet cekur edhe Ahmet Shehun dhe Learta Gashin në kategorinë e pionierëve”, nënvizoi Shala.

ImageAlbian Kuqi e Kadri Shala

Çfarë i mungon më shumë KA Junikut?

“Si në përgjithësi të Atletikës së Kosovës edhe klubit tonë i mungon infrastruktura për atletikë, pra të terren adekuat për ushtrime”, tha ai.

KA Juniku i frikësohet konkurrencës, sidomos kërkon rezultate kulmore në disiplinat teknike. “Rezultatet janë në përgjithësi duke u rritur por besoi se në disiplinat e hedhjeve do të jemi në nivel të lartë”, shpreh optimizmin Shala.

Më tej ka fjalë miradije për Federatën e Atletikës së Kosovës dhe Departamentin e Sportit, duke shprehur falënderim për përkrahjen që ia japin klubit.

“Këtë vit përkrahje kemi nga Federata e Atletikës së Kosovës dhe Departamenti i Sportit, ku po lehtësohet puna e klubeve në përgjithësi”, përfundon Shala.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat