Medalisti i botërorit rrëfehet

Atletika

Medalisti i botërorit rrëfehet

Më: 13 shtator 2022 Në ora: 14:46
Medalisti i botërorit rrëfehet

Atleti 27-vjeçar britanik Matt Hudson-Smith, fitues i medaljes së bronzit në garën e 400 metrave në botërorin e zhvilluar në Eugene (Amerikë) këtë verë, ka rrëfyer se jeta për të ka qenë shumë e vështirë gjatë viteve të fundit.

I dëmtuar disa herë në 3 vitet e fundit, fillimisht në thembën e Akilit, më pas në tendinat e gjurit dhe në shpinë, ai ka kaluar në depression, pasi nuk arrinte të garonte. Ndaj për të, medalja e bronztë në një botëror është e barazvlefshme me një triumf.

Vite të vështira për Hudson-Smith, që përveçse me dëmtimet fizike ka luftuar edhe me gjendjen e rënduar psikologjike. Ai ka patur borxhe, ndërkohë që pandemia Covid-19 ndikoi që gjendja psikologjike të acarohej edhe më shumë.

“Kam patur probleme të mëdha psikologjike, sidomos në vitin 2021. Pak veta e dinë që kam tentuar ‘i jap fund jetës. Garoja duke e ditur që isha i plagosur në shpirt, duke mos dhënë 100% të vetes time. Nuk mora dot pjesë në Olimpiadë për shumë arsye”, tha britaniku.

“Shumë njerëz pranë meje mund të ishin dorëzuar nga mënyra se si u flisja, por më qëndruan pranë. Më dhanë një mbështetje të jashtëzakonshme. Kur mbeta i bllokuar në Amerikë prej pandemisë, për pak u bëra elektriçist”, u shpreh Hudson-Smith.

“Gjithnjë e kam ditur se mund të arrija te medalja, pasi kisha potencial dhe ia dola mbanë. Ajo medalje është e rëndësishme për mua. Mund të kisha fituar edhe të artën, por e ardhmja është përpara. Ajo medalje pas këtyre 3 vite makthi është e rëndësishme për mua”, tha Hudson-Smith.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat