Kryeziu pas garës në Maratonën e Tiranës: Është vetëm fillimi i këtyre vrapimeve 

Atletika

Kryeziu pas garës në Maratonën e Tiranës: Është vetëm fillimi i këtyre vrapimeve 

Nga: K. Goca Më: 23 tetor 2022 Në ora: 22:24
Astrit Kryeziu në të majtë, Luiza Gega në mes dhe Musa Hajdari në të djathtë

Atleti i kombëtares së Kosovës, Astrit Kryeziu, anëtar i klubi atletik Rogana, për herë të parë ka garuar në shtigjet e gjata përkatësisht në Maratonën ndërkombëtare Tirana 2022.

Kryeziu edhe në disiplinat e gjata respektivisht në 10 kilometra, u tregua i suksesshëm duke e zënë vendin e tretë.  

“Duke marr parasysh që ne jemi garues të shtegut apo disiplinave të mesme dhe nuk jemi garues të vrapimeve te gjata, normal që ishte një garë jo e lehtë, pasi që unë për herë të parë garoj në një vrapim të tillë. 

Jemi të kënaqur sepse është vetëm fillimi i këtyre vrapimeve dhe normal edhe stërvitja për këto vrapime dallon shumë nga ato të vrapimeve të mesme.

Mirëpo, kjo fazë na ndihmon shumë për vrapimet e shtegut.

Unë personalisht jam ende i fokusuar në vrapimet e shtegut dhe këto gara i bëj thjesht si stërvitje dhe parapërgatitje për vitin e ardhshëm”, thotë Kryeziu për gazetën kombëtare “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat