Duja - i kënaqur me rezultatet e KA Prizrenit: Kemi thyer rekorde kombëtare

Atletika

Duja - i kënaqur me rezultatet e KA Prizrenit: Kemi thyer rekorde kombëtare

Kemajl Goca Nga Kemajl Goca Më 8 nëntor 2022 Në ora: 15:32
Bajram Duja

Viti 2022 padyshim se ka qenë vit i mirë i atletikës në përgjithësi, sidomos disa klube kanë arritur rezultate të lakmueshme në garat vendore por edhe në ato ndërkombëtare.

Klubi i atletikës Prizreni ka shënuar rezultate të mira në edicionin e sivjetshëm.

Këtë e thotë edhe kryetrajneri Bajram Duja. 

Image

Sipas tij, i kanë pritur rezultatet e mira. 

Duja ka përmendur dy atlete dhe një atlet që u veçuan gjatë këtij edicioni.

“Rezultatet kanë qenë të kënaqshme, falë punës sistematike i kemi pritur rezultatet e mira.

Kemi arritur të thyejmë rekorde kombëtare, i kemi fituar dy kupa duke u plasuar në vendin e dytë.

Në kampionate në të gjitha grupmoshat kemi fituar shumë medalje.

Tre atlet të klubit, Sara Susuri, Armel Qovanaj dhe Emine Jenuzi e kanë përfaqësuar Kosovën në gara ndërkombëtare.

Sara Susuri e ka përmirësuar rekordin e Kosovës në 100 metra.

Atletët e rinj e kanë përfaqësuar klubin denjësisht, duke fituar medalje të shumta, duke u shpallur kampion të Kosovës.

Shumica e atletëve i kanë përmirësuar rezultatet në krahasim me vitin e kaluar, duke i thyer rekordet e veta personale”, thotë Duja për gazetën kombëtare “Bota sot”. 

A ka pas ndonjë befasi?

“Befasi nuk ka pasur, sepse me punën që e kemi bërë i kemi pritur rezultatet e arritura këtë vit”, përfundon Duja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat