Agron Muçaku, edhe një herë ka dëshmuar se është në formën më të mirë sa i përket kategorisë së tij, duke shënuar sukses të madh në garën ndërkombëtare për veteranë që u mbajt në Shkodër të Shqipërisë.
Atleti veteran nga Kosova, ishte më i shpejti në disiplinat e tij.
“Dy ditë garash – tri medalje ari për Kosovën!

Në garat ndërkombëtare “Speed Challenge Masters Athletics”, që po mbahen në stadiumin “Loro Boriçi” në Shkodër, ku po marrin pjesë atletë veteranë nga mbi 50 shtete të botës, arrita të realizoj një paraqitje shumë të kënaqshme gjatë dy ditëve të garave.
Rezultatet e mia: Vendi i parë në 300 metra me pengesa me kohën 54.36 sekonda.
Vendi i parë në 100 metra me pengesa me kohën 21 sekonda.
Vendi i parë në trehapësh (triple jump) me rezultat 9.12 metra.

Këto rezultate janë edhe më të vlefshme sepse performanca ime ishte më e mirë se vitin e kaluar.
Në disiplinën e trehapëshit, në vitin 2025 kisha rezultatin 8.88 metra, ndërsa sivjet arrita 9.12 metra, duke vendosur edhe rekord mbarëkombëtar në kategorinë M60.
Po ashtu, edhe në 300 m me pengesa përmirësova kohën nga 56.84 sekonda në 54.36 sekonda, çka tregon vazhdimësinë e punës dhe përkushtimit në sport.
Falënderoj Zotin e Madhërishëm për suksesin e arritur, si dhe të gjithë ata që më kanë mbështetur e inkurajuar.
Edhe pse përfaqësoje Shtetin e Kosovës shpenzimet e këtyre garave i mbajta personalisht.
Në muajin korrik në Selanik do të mbahen garat e radhës( nga data 2 deri 5 korrik ) me siguri do të marr pjesë në këtë edicion ndërkombëtarë”, ka shkruar Muçaku në profilin e tij në facebook.