Amerikani Aljamain Sterling është kampioni i ri i botës në peshën “bantamweight” (pesha 56-61kg) në artet marciale mikse, në përfundim të eventit UFC-259, zhvilluar në Las Vegas.
Ai i rrëmbeu titullin rusit Petr Yan, që u skualifikua nga gjyqtari për shkak të një goditje të palejuar më gju. Dueli u ndal në raundin e katërt.
Goditjqa me gjy në fytyrën e rivalit, që ishte i ulur në tapet, i kushtoi rëndë Yan, që u skualifikua.
Sfida u ndal që në çastin që ndodhi goditja, me Sterling që ra në tapet dhe u desh ndërhyrja e stafit mjekësor.
Deri në ato momente, dueli dukej i barabartë, madje Yan kishte një epërsi të lehtë pas 3 raundeve të para.
