Bashkim dhe Shpëtim Bajoku përfaqësojnë Kosovën në finale të kampionatit Ballkanik të boksit

Boksi

Bashkim dhe Shpëtim Bajoku përfaqësojnë Kosovën në finale të kampionatit Ballkanik të boksit

Më: 9 maj 2021 Në ora: 07:46
Kampionati Ballkanik i boksit

Sot mbahet finalja e kampionatit Ballkanik të boksit.

Federata e Boksit të Kosovës ka njoftuar se sot në finale të kampionatit Ballkanik të boksit, që po zhvillohet në Zagreb të Kroacisë, do të përfaqësohet nga Bashkim Bajoku në kategorinë e 52 kilogramëve, dhe me Shpëtim Bajokun në kategorinë e 64 kilogramëve.

Në përballjet e ditës së djeshme, Shpëtim Bajoku mposhti boksierin slloven Veber Nik Nikolov me rezultat unanim nga gjyqtarët, dhe kështu u kualifikua për në finalen e këtij kampionati në Zagreb.

Në anën tjetër, Besart Pireva në kategorinë e 81 kilogramëve u mposht nga përfaqësuesi serb Mironchikov Vladimir me vendim unanim nga gjyqtarët, në një luftë që ishte thuajse e barabartë, dhe kështu siguroi medaljen e bronztë, së bashku me përfaqësuesin tjetër Patriot Behramin.

Shfaq komentet
comments powered by Disqus
Sot mund të lexoni Shfletoni kopertinat