Më pak se dy muaj kanë mbetur nga trilogjia e Conor McGregor kundër Dustin Poirier në UFC 264, dhe përgatitjet për luftën tashmë kanë filluar.
Kjo pasi dy trajnerët kryesorë të McGregor, John Kavanagh dhe Owen Roddy, shkuan për ta takuar atë në Dubai.
The Notorious pësoi humbjen në raundin e dytë, pasi u nokautua në Fight Island – humbja e parë e karrierës në këtë mënyrë – ndërsa Poirier arriti fitoren e parë nga dueli që ishte shfaqur para shtatë vitesh.
Të dy do të takohen edhe një herë në pesha të lehta më 10 korrik për të përcaktuar fituesin njëherë e përgjithmonë, dhe Mirror raportoi se McGregor do të fillojë të përgatitet me trajnerët.
Trajnerët John Kavanagh dhe Owen Roddy do ta ndihmojnë atë të bëhet gati për luftën kulmore, dhe i pari postoi një foto të dyshes në Instagram së bashku me mbishkrimin: “Ngjitni kazanin në C-në e madhe, do të vijmë”.
Kanë kaluar më shumë se tre vjet që kur McGregor lëshoi titullin e peshave të lehta në UFC për shkak të pasivitetit, por sugjerohet që një fitore ndaj Poirier mund t’i japë atij një shans tjetër për t’u rikthyer si kampion.
