White konfirmon

Boksi

White konfirmon

Më: 4 janar 2022 Në ora: 11:02
White konfirmon

Presidenti i UFC-së, Dana White, ka deklaruar se Rose Namajunas, kampione e botës në peshën “strawweight” (pesha 48-52kg) do të mbrojë titullin ndaj Carla Esparza. Kjo e fundit është një veterane e kafazit (34 vjeçe) dhe numëron 18 fitore e 6 humbje në artet marciale mikse.

Dy luftëtaret kanë dueluar edhe më parë mes tyre, me Esparza që ka fituar me “submission” ndaj Namajunas në dhjetor të vitit 2014. Ndaj, pas më shumë se 7 vitesh, për Namajunas është një mundësi e mirë për t’u hakmarrë dhe mbrojtur titullin kampion bote.

Në një intervistë për ESPN, Dana White e konfirmoi këtë përballje: “Me 100% Esparza është rivalja e radhës e Namajunas. Ajo është sfidantja kryesore, pasi ka fituar 5 sfidat e fundit në kafaz”.

Namajunas mbrojti titullin dy muaj më parë ndaj Weili Zhang në eventin UFC-268.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat