Po vjen meçi i madh, Florian Marku si asnjëherë më parë

Boksi

Po vjen meçi i madh, Florian Marku si asnjëherë më parë

Më: 2 prill 2022 Në ora: 18:37
Po vjen meçi i madh, Florian Marku si asnjëherë më parë

Boksieri shqiptar Florian Marku do të përballet mbrëmjen e sotme me uellsianin Chris Jenkins për të mbrojtur titullin kampion në IBF International Welterweight, në një sfidë që do të transmetohet live në ekranin e SuperSport 1, duke nisur nga ora 20:00. (meçi pritet të nisë pas orës 22.30).

Sportisti 29-vjeçar shqiptar e ka nisur karrierën si kickboxer dhe më pas ka kaluar në artet marciale të përziera (MMA), teksa prej 1 Dhjetorit të 2018-ës, ka nisur karrierën si boksier profesionist, duke fituar ndaj serbit Nikola Janicievic në Gjermani.

I gjithë ky rrugëtim i Markut është mjaft interesant, pasi zakonisht janë boksierët ata që kalojnë në MMA, ndërsa shqiptari bëri rrugën e kundërt, duke ia dalë të përshtatet mjaft mirë.

Që atëherë Marku numëron 11 ndeshje si boksier profesionist (të 12-ën e ka sonte), nga të cilat ka fituar 10 dhe ka barazuar vetëm një ndaj britanikut Jamie Stewart, në një sfidë ku kontestoi ashpër rezultatin e arbitrave.

Vlen të theksohet se 6 prej 10 fitoreve Florian Marku i ka arritur si boksier profesionist, i ka marrë me knock-out, ndërsa 4 të tjerat me vendim të trupës së gjyqtarëve.

Sfida e mbrëmjes së sotme do të mbahet në “Vertu Motors Arena” të Newcastle-t.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat