Marku rinis stërvitjen

Boksi

Marku rinis stërvitjen

Më: 11 maj 2022 Në ora: 12:33
Marku rinis stërvitjen

Boksieri shqiptar Florian Marku, përmes një postimi në rrjetet sociale, ka bërë me dije se javën e ardhshme do të rinisë përgatitjen për sfidën e tij të radhës. 29-vjeçari shqiptar, që ka një rekord prej 11 fitoresh e 1 barazim në ring, mban titullin e kategorisë IBF International në peshën “welter”.

“Të hënën do të filloj përgatitjen për duelin e radhës.

Mezi pres të ndeshen sërish në ring dhe t’ju bëj të gjithëve krenar”, shkruan Marku, pa bërë me dije detaje të tjera në lidhje me sfidën e tij të radhës, vendin apo emrin e rivalit. Gjatë kësaj periudhe, ai ka qenë me pushime me familjen e tij.

Marku ka premtuar më herët se po punon që sfidën e radhës ta zhvillojë në Tiranë. Ai synon të mbrojë para tifozëve të shumtë kuqezinj titullin kampion, por ende nuk ka asgjë zyrtare për këtë çështje. Duelin e fundit ai e zhvilloi në Njukasëll, më 2 prill, kur mposhti britanikun Chris Jenkins me “KO teknik”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat