Faton Xhakli futet në histori si selektor i Kosovës

Boksi

Faton Xhakli futet në histori si selektor i Kosovës

Nga: Kemajl Goca Më: 18 maj 2022 Në ora: 13:21
Mariola, Donjeta dhe Fatoni

Faton Xhakli futet në histori si selektor i boksit të Kosovës. 

Xhakli bëhet selektori i parë në boks që me garuesen e saj Donjeta Sadiku, siguroi medalje e bronztë në Kampionatin Botëror për seniore.

Puna dhe qetësia e tij, së bashku me trajneren Mariola Salluka, janë arma më e fortë e suksesit të Donjetës.

Xhakli asnjëherë nuk ishte euforik, i matur në deklarata dhe analizonte fije e për pe rivalet!

Strategjia e tij së bashku me Mariolën dhanë frytet dhe e ngritën boksin në një nivel tjetër dhe pas më shumë se tre dekada e rikthyen krenarinë e këtij sporti!

Boksi i Kosovës, pas xhudos dhe karatesë, tani ka medalje botërore për seniore duke iu falënderuar Donjeta Sadikut, e cila përveç që tregoi teknik edhe guxim në ring.

Ajo sonte në Stamboll kërkon finalen e madhe në orën 18.00, e cila përballet me amerikanen Shakiyla Rashida Ellis.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat