Teixeira dorëzon titullin

Boksi

Teixeira dorëzon titullin

Më: 12 qershor 2022 Në ora: 12:39
Teixeira dorëzon titullin

Braziliani Glover Teixeira e ka dorëzuar shumë shpejt titullin kampion bote në peshën “light heavyweight” (pesha deri 93kg) në artet marciale mikse.

Ai u mund sot me “submission” nga çeku Jiri Prochazka në eventin UFC-275, zhvilluar në Singapor, duke dorëzuar titullin që pat fituar 8 muaj më parë.

Një sfidë e hapur, me grushte e shkelma, ku të dy sportistët u larguan të gjakosur nga kafazi, teksa dueluan fort për fitoren, duke dhuruar spektakël në kafaz. Gjithsesi, çeku ishte më i vendosur për të arritur fitoren dhe arriti ta marrë atë në raundin e pestë dhe të fundit.

Një duel që po shkonte drejt fundit me një ekuilibër, por Prochazka (29 fitore, 3 humbje e 1 barazim në karrierë) arriti të gjejë momentin e duhur për ta kapur rivalin për qafe dhe ta detyrojë atë të dorëzohet. Teixeira (33 fitore e 8 humbje), nuk e priste atë kapje, që e detyroi të dorëzojë titullin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat