McGregor në formë

Boksi

McGregor në formë

Më: 14 qershor 2022 Në ora: 12:53
McGregor në formë

Kohët e vështira pas operacionit në këmbë duket se kanë kaluar për Conor McGregor.

I dëmtuar dhe operuar në korrik të vitit të kaluar, irlandezi është gati për t’u rikthyer në kafaz.

Ish-kampioni i dyfishtë i botës ka postuar një video në rrjetet sociale, ku duket teksa godet me këmbën e operuar një thes të rëndë. Duket se “The Notorius” nuk ndjen më asnjë shqetësim dhe këmba është e fortë si dikur.

Irlandezi e theu këmbën në eventin UFC-264, në duelin e humbur ndaj Dustin Poirier.

Pas raundit të parë ai dëmtoi këmbën dhe mjekët nuk e lejuan të duelojë më. “Diçka si një fenomen”, shkruan McGregor, që mezi pret të rikthehet në kafaz.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat