Golovkin - Alvarez, boksierët zgjedhin “fushë-betejën”

Boksi

Golovkin - Alvarez, boksierët zgjedhin “fushë-betejën”

Më: 22 qershor 2022 Në ora: 13:24
Golovkin - Alvarez, boksierët zgjedhin “fushë-betejën”

Sfida e tretë mes boksierit meksikan Canelo Alvarez dhe kazakut Gennady Golovkin do të zhvillohet më 17 shtator, në stadiumin “T-Mobile Arena” të Las Vegas. Lajmi u zyrtarizua sot nga Eddie Hearn, promotori i njohur i boksit.

Edhe dy sfidat e para mes dy boksierëve janë zhvilluar po në këtë stadium me 20 mijë shikues. Dy boksierët rikthehen të duelojnë mes tyre 4 vjet nga hera e fundit (shtator 2018), kur Alvarez fitonte me vendim shumice të gjyqtarëve.

Ndërkohë që, një vit më herët (shtator 2017), dueli i parë mes tyre është mbyllur në barazim. Alvarez (57 fitore, 2 humbje e 2 barazime në karrierë), që vjen nga humbja ndaj rusit Dmitri Bivol, zbret një peshë më poshtë (dueloi në peshën light heavyweight).

Ndërsa Golovkin (42 fitore, 1 humbje e 1 barazim) vjen pas fitores së arritur ndaj japonezit Ryota Murata në prill të këtij viti. Kjo përballje e tretë mes tyre do të jetë e vlefshme për titujt kampionë bote në peshën super të mesme.

Një sfidë që parashikohet e fortë dhe spektakolare, për shkak të mosmarrëveshjeve që kanë dy boksierët, sidomos pas duelit të fundit. Golovvkin gjithnjë e ka kundërshtuar atë humbje dhe ka kërkuar triologjinë dhe më në fund palët kanë rënë dakord ta zhvillojnë atë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat