Edhe trajneri kundër Joshuas

Boksi

Edhe trajneri kundër Joshuas

Më: 20 shtator 2022 Në ora: 11:05
Edhe trajneri kundër Joshuas

Robert Garcia, trajneri i boksierit Anthony Joshua, ka dalë kundër idesë që britaniku të duelojë këtë vit ndaj kampionit të botës në peshën e rëndë Tyson Fury. Ai ka shtuar se do të ishte më mirë që Joshua të zhvillojë 2-3 duele të tjera para se të përballet me Fury (më 3 dhjetor, në Kardif), ende i pamposhtur në ring.

Gjithsesi, Garcia u shpreh i gatshëm ta ndihmojë për sfidën e radhës, duke e ftuar të stërvitet në Amerikë. “Kjo është një sfidë e madhe, më e rëndësishmja për britanikët. Është një duel që do të ndodhte herët a vonë. Gjithsesi, unë preferoja që Joshua të zhvillonte 2-3 duele të tjera më herët”, tha Garcia.

“Kuptoj edhe faktin që sporti është edhe biznes dhe kjo sfidë është një biznes i madh. Joshua e stafi i tij e kanë menduar mirë këtë gjë. Anthony është i tillë, dëshiron më të fortët, duke bërë të njëjtën gjë edhe me Usyk. Unë mendoj se Joshua mund ta fitojë duelin me Fury”, u shpreh trajneri Robert Garcia.

Joshua i është rikthyer stërvitjes menjëherë pas duelit me ukrainasin, por Garcia beson se një stërvitje në Kaliforni do të ishte më e mirë për britanikun.

“Nuk kemi biseduar ende për stërvitjen, por e ftoj të jetë këtu me mua. Këtu ka mjaft boksierë që mund ta ndihmojnë në stërvitje”, tha Garcia, trajneri i Joshua.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat