Zhang rikthehet kampione e botës

Boksi

Zhang rikthehet kampione e botës

Më: 13 nëntor 2022 Në ora: 12:06
Zhang rikthehet kampione e botës

Luftëtarja kinezeWeili Zhang rikthehet kampione e botës në peshën “strawweight” (pesha deri 52kg) në artet marciale mikse, pas fitores me “submission” ndaj amerikanes Carla Esparza, në eventin UFC-281, zhvilluar sot në Nju Jork.

Një kapje në qafë e Zhang ndaj rivales në mesin e raundit të dytë bëri që amerikania të dorëzohej e gjyqtari të ndalë sfidën. Zhang rikthehet kampione në këtë Divizion pas 20 muajsh, duke rimarrë titullin që pat humbur në prill 2021.

Sfida u dominua gjatë gjithë kohës nga luftëtarja kineze, në formë të mirë dhe arriti të marrë maksimumin nga grushtet e saj. Esparza, që ka qenë dy herë kampione e këtij divizioni, u duk larg formës së saj më të mirë, duke mos rivalizuar dot.

Për Zhang kjo është fitorja er 23-të në kafaz, ku ka edhe 3 humbje. Ndërsa për Esparza vjen humbja e 7-në në karrierë, ndërkohë që numëron edhe 19 fitore. Një triumf i merituar për kinezen, që rikthehet në majën e botës në peshën “strawweight”..

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat