Fury i trembet rivalit

Boksi

Fury i trembet rivalit

Më: 18 nëntor 2022 Në ora: 11:55
Fury i trembet rivalit

Më 3 dhjetor, në stadiumin e Tottenham, në Londër, boksieri britanik Tyson Fury do të mbrojë titullin kampion bote (kategoria WBC) në peshën e rëndë ndaj patriotit të tij Derek Chisora. Kjo do të jetë sfida e tretë mes dy boksierëve, me Fury që i ka fituar dy të parat.

Pavarësisht kësaj, Fury (32 fitore e 1 barazim) ka respekt për Chisora (33 fitore e 12 humbje), duke e konsideruar atë si një “bionic man” (njeiru bionik). “Kanë kaluar 8 vjet nga hera e fundit që jemi përballur dhe shumë gjëra kanë ndodhur që nga ajo kohë. Të dy kemi ndryshuar si boksierë”, tha Fury.

“Pres që Chisora të jetë i njëjti boksier kokëfortë në ring si gjithnjë. Ka një forcë e grintë të jashtëzakonshme, ndaj nuk e kam nënvlerësuar një rival të tillë. E di që Chisora mund të mposhtë këdo nga “top-10” më të mirë në botë. Kush mendon se do të jetë sfidë e lehtë i them se ai është një një njeri bionik, pasi ka një kokë si shkëmb”, tha Fury.

“Nuk ka për të qenë një sfidë e lehtë për mua, por mezi e pres këtë sfidë. Ne jemi të dy profesionistë prej 14 vitesh në ring, ndaj kemi se çfarë të tregojmë. Dereck e ka treguar veten kurdoherë, ndaj do të jetë një duel argëtues për të gjithë”, u shpreh Fury, i pamposhtur në karrierën e tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat