Whyte mposht Franklin

Boksi

Whyte mposht Franklin

Më: 27 nëntor 2022 Në ora: 12:11
Whyte mposht Franklin

Boksieri britanik Dillian Whyte fitoi me vendim shumice të gjyqtarëve ndaj amerikanit Jermaine Franklin, sfidë e zhvilluar në Londër.

Një përballje e fortë mes dy boksierëve, që dueluan për fitoren në secilin raund, cka duket edhe në vendimin e vështirë të marrë nga gjyqtarët.

Dy nga gjyqtarët i dhanë fitoren Whyte me rezultatin e njëjtë 116-112, ndërsa njëri nga gjyqtarët e mbylli sfidën në barazim, 115-115. Whyte rikthehej në ring që nga prilli, kur u mund nga Tyson Fury dhe kjo fitore i hap dyert për një tjetër sfidë interesante, atë ndaj Anthony Joshua, në pranverën e vitit tjetër.

Të dy boksierët zhvilluan një sfidë të hapur, të mbushur me emocioine, ku grushtet nuk munguan nga të dyja palët. Edhe Franklin synoi fitoren, por në disa raunde u detyrua të përballojë furinë e Whyte, që dukej disi më i karikuar se rivali i tij. Për 34-vjecarin britanik, kjo është fitorja e 29-të në karrierë, ku numëron edhe 3 humbje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat