24 vjeçi tejkalon kancerin e trurit, meningjitin, sepsën dhe Covid brenda një viti

Bota

24 vjeçi tejkalon kancerin e trurit, meningjitin, sepsën dhe Covid brenda një viti

Më: 4 shkurt 2021 Në ora: 11:11
Nathan Cumming

Nathan Cumming u diagnostikua me tumor në tru dhe doktorët mendonin se ajo kishe qenë duke u zhvilluar gjatë gjithë jetës së tij.

Një 24 vjeç është shëruar në mënyrë të pabesueshme, që edhe mjekët e quajtën mrekulli, shkruan lajmi.net.

Ai u diagnostikua me kancer truri, sepsë, dhe meningjit brenda një viti. Ai gjithashtu u infektua me Covid-19 gjatë qëndrimit në spital.

Ai e quajti këtë fazë “viti nga ferri” sepse ai ishte në prag të vdekjes katër herë.

Thuajse të gjithë vitin 2020 ai e kaloi në spital. Ai e zbuloi gjendjen e vetë në tetor të vitit 2019, kur humbi vetëdijen në punë.

Pas fotografimeve u kuptua se ai kishte një tumor në madhësinë e një topi të pingpongut në tru. Ai tip tumori zakonisht gjendet tek fëmijët, por ky tumor ishte i shkallës më të rëndë.

Doktorët e futën në operim menjëherë dhe hoqën 90% të tumorit. Familja e tij ishin të përgatitur për më të keqen kur mjekët i thanë se ai me shumë gjasë nuk do të mbijetonte operimin.

Ata gjithashtu thanë se edhe nëse e mbijeton, është thuajse e sigurt që ai nuk do mund të flas më dhe do të jetë i paralizuar.

Mirëpo pas 8 orëve operacion ai arriti të ecte vetëm dy ditë pas operimit. Doktorët e quajtën këtë një mrekulli.

Mirëpo pas vetëm pak kohësh ai u diagnostikua me meningjit. Ai gjithashtu vuajti nga sepsa dy herë një muaj më vonë.

Menjëherë pas kësaj ai rezultoi të jetë pozitiv me Covid-19. Nathan tha se ai nuk e kupton se si është sëmurë nga kaq shumë sëmundje në një kohë kaq të shkurtër, por ai qëndroi pozitiv dhe nuk hoqi dorë. 

Image

 

comment Për komente lëvizni më poshtë
Sot mund të lexoni Shfletoni kopertinat