Me 130 vullkane në ishullin e tyre dhe aktivitetin sizmik të theksuar, islandezët janë mësuar me disa tërmete.
Por vullkanologët pohojnë gjithashtu se ata kurrë nuk kanë përjetuar atë çfarë e kanë përjetuar javët e fundit, shkruajnë mediat e huaja.
Rreth 50,000 tërmete janë “kapur” në Gadishull në tre javët e fundit. Për krahasim, 40,000 goditje janë ndjerë atje gjatë gjithë vitit në vitin e kaluar.
Dhe ekspertët po flasin për një “ngjarje sizmike të paparë” që mund të jetë një shenjë e një shpërthimi të madh vullkanik.
Ndërkohë, korrenspodentja e BBC Europe, Jean Mackenzie, ka vizituar zonën dhe ka sjellë pamjet nga atje.
“Është si të ecësh mbi një urë që lëkundet gjatë gjithë kohës”, thotë Ranvig Gudmundsdottir për agjencinë e lajmeve Reuters.
Ajo jeton në fshatin e peshkimit në Grindavik, ku lëkundjet janë më të këqija. “Nuk kam frikë, thjesht jam lodhur”.
“… Ajo që më mungon më shumë është një gjumë i mirë. Ju zgjoheni pothuajse çdo natë. Ndonjëherë sepse e keni ndier tronditjen, ndonjëherë kur ka mbaruar ”, ka thënë një qytetar tjetër.