Një person i armatosur ka hapur zjarr të dielën në një qendër tregtare në kryeqytetin e Danimarkës. Në një postim në twitter policia e Kopenhagës tha se një person është arrestuar lidhur me ngjarjen. Autoritetet nuk ka dhënë informacione të mëtejshme mbi të arrestuarin apo numrin potencial të të plagosurve.
Policia e Kopenhagës bëri të ditur se forca të shumta të sigurisë janë dërguar në qendrën tregtare “Field” pas njoftimeve për të shtëna me armë zjarri. Autoritetet u kërkuan njerëzve të ndihmonin me pamje të xhiruara nga momenti i sulmit apo me informacioneve të tjera të lidhura me ngjarjen.
Mediat lokale publikuan disa imazhe ku shfaqin oficerë policie të armatosur rëndë në vendngjarje, si dhe njerëz tek largoheshin me shpejtësi nga qendra tregtare.
Autoritetet këshilluan njerëzit të qëndrojnë larg zonës si dhe të presin për ndihmën e policisë nëse do t'u nevojitet./VOA
