Asnjë mjek nuk ka mbetur në Mariupol dhe vetëm 3% e banorëve kanë qasje në ujë

Bota

Asnjë mjek nuk ka mbetur në Mariupol dhe vetëm 3% e banorëve kanë qasje në ujë

Më: 5 korrik 2022 Në ora: 17:32
Foto ilustrim

Një politikan ukrainas ka përshkruar situatën e rëndë në qytetin e rrethuar të Mariupolit, i cili mbetet nën kontrollin rus.

Ndërsa vëmendja është kthyer në luftime të ashpra diku tjetër në rajonin e Donbasit, banorët e qytetit thuhet se po vuajnë në kushte të tmerrshme.

Petro Andryushchenko, një këshilltar i kryetarit të bashkisë së Mariupolit, tha se vetëm deri në 3% e njerëzve në qytet kanë qasjen në ujë.

Si pasojë, shumë njerëz po detyrohen të ecin me kilometra për të qëndruar në radhë në pikat e grumbullimit të ujit, të cilat përfshijnë puset e kanalizimeve, tha zoti Andryushchenko.

Duke paralajmëruar një “krizë uji”, ai tha se “ujë me cilësi minimale të pranueshme nuk është i disponueshëm në qytet”.

Ndërkohë, ai u citua gjithashtu të ketë thënë se nuk ka mbetur asnjë mjek në Mariupol pasi punonjësit shëndetësorë rusë u larguan.

Olena Halushka, një shkrimtare dhe komentuese politike, tha se kombinimi i mungesës së kujdesit shëndetësor dhe ujit të pijshëm, “varrimeve kaotike” dhe nxehtësisë ishte “i tmerrshëm”. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat