Irani arreston disa diplomatë të huaj për spiunazh, mes tyre zv.ambasadori britanik

Bota

Irani arreston disa diplomatë të huaj për spiunazh, mes tyre zv.ambasadori britanik

Më: 6 korrik 2022 Në ora: 23:30
Foto ilustrim

Garda Revolucionare, ushtria ideologjike e Iranit, ka arrestuar diplomatë të huaj, duke përfshirë zëvendësambasadorin britanik, me akuza për “spiunazh”, njoftuan të mërkurën agjencitë e lajmeve Fars dhe Tasnim të Iranit dhe televizioni shtetëror.

Sipas informacioneve, diplomati britanik do të dëbohet nga vendi.

“Shërbimi i inteligjencës i Gardës Revolucionare identifikoi dhe arrestoi diplomatë të ambasadave të huaja që po spiunonin Iranin”,  raportoi Fars, duke sqaruar se njëri prej tyre, një britanik, u dëbua më pas nga vendi.

Televizioni shtetëror raportoi se Garda Revolucionare arrestoi disa të huaj, duke përfshirë të dërguarin e dytë më të lartë të Britanisë në Teheran, për aktivitete të dyshuara spiunazhi, si marrja e mostrave të tokës në zona të kufizuara. Megjithatë, nuk u raportua nëse të arrestuarit janë ende në paraburgim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat