Forcat ruse tani zënë rreth 22 për qind të tokës bujqësore të Ukrainës që nga pushtimi, duke ndikuar në një nga furnizuesit kryesorë në tregjet globale të drithërave dhe vajrave ushqimorë, ka thënë NASA, përcjell Bota sot.
Të dhënat satelitore të analizuara nga shkencëtarët në agjencinë hapësinore amerikane tregojnë se pushtimi i Ukrainës lindore dhe jugore nga Rusia i jep asaj kontrollin e tokës që prodhon 28 për qind të të korrave dimërore të vendit, kryesisht grurë, kanola, elbi dhe thekër, dhe 18 për qind të të korrave verore, kryesisht misër dhe luledielli.
“Shporta e bukës në botë është në luftë”, tha Inbal Becker-Reshef, drejtor i programit Harvest të NASA-s, i cili përdor të dhënat satelitore të SHBA-së dhe Evropës për të studiuar prodhimin global të ushqimit.
