Presidenti ukrainas Volodymyr Zelenskyy ka deklaruar se nuk ka marrë një propozim nga Kina për të ndërmjetësuar paqen midis Ukrainës dhe Rusisë.
Zelensky i tha Japan News se ai dha “mesazhe të drejtpërdrejta” përmes kanaleve diplomatike se donte të fliste me liderin e Kinës Xi Jinping, por nuk mori një përgjigje nga ky i fundit.
“Nuk kam marrë një propozim nga Kina për të ndërmjetësuar paqen. Nuk kam marrë propozim për t’u takuar”, tha ai.
Zelensky shprehu gjithashtu skepticizëm për propozimin 12-pikësh të Kinës që bën thirrje për një armëpushim dhe negociata paqeje, duke thënë se “respektimi i sovranitetit dhe integritetit territorial” duhet të jetë i pari.
Plani 12-pikësh i Pekinit u kërkon të gjitha palëve të respektojnë sovranitetin e të gjitha kombeve, të mbrojnë objektet bërthamore, të lehtësojnë eksportet e grurit dhe të mbrojnë civilët dhe të burgosurit e luftës.
