Një anije turistike në Karaibe u përfshi nga flakët pasi dëshmitarët raportuan se ishte goditur nga rrufeja gjatë një stuhie.
Sipas mediave të huaja, bëhet fjalë për një ngjarje ku ishte përfshirë anija Carnival Freedom pranë Bahamas të shtunën.
Heath Barnes po pushonte duke lexuar librin e tij midis periudhave të shiut kur papritmas ai “dëgjoi bubullimën dhe vetëtimën më të fortë ndonjëherë”.
Ai u kthye brenda në kabinë dhe mësoi se anija ishte në flakë nga nipi i tij dhe dy miqtë e tyre.
Zjarri shpërtheu në orën 15:15 me orën lokale, sipas Carnival Cruise Line.
Nuk u raportua për lëndime për mysafirët në anije, por kishte të tillë që u trajtuan për thithje të vogël tymi.
Carnival konfirmoi se kishte përfunduar një vlerësim dhe zbuloi se dëmi ishte më i keq sesa mendohej fillimisht.
