Zgjedhjet franceze, presidenti brazilian përshëndet fitoren kundër ekstremizmit të djathtë

Bota

Zgjedhjet franceze, presidenti brazilian përshëndet fitoren kundër ekstremizmit të djathtë

Më: 8 korrik 2024 Në ora: 08:40
Presidenti brazilian Luiz Inacio Lula da Silva 

Presidenti brazilian Luiz Inacio Lula da Silva ka përshëndetur triumfin “kundër ekstremizmit” në Francë pasi e majta pengoi të djathtën ekstreme të fitonte në raundin e dytë të zgjedhjeve të parakohshme parlamentare.

“Jam shumë i lumtur për këtë demonstrim të madhështisë dhe pjekurisë së forcave politike të Francës, të bashkuara kundër ekstremizmit”, ka thënë ai përmes X.

Rezultatet e raundit të dytë të zgjedhjeve parlamentare në Francë ishin surpriza dhe skenari më i papritur.

Fronti i Ri Popullor, një koalicion i të majtës u rendit forcë e parë duke dërguar në vendin e tretë Tubimin Kombëtar të Marine Le Pen, forcën politike që sondazhet deri në minutën e fundit të mbylljes së procesit zgjedhor e tregonin fituese të këtyre zgjedhjeve.

Ndërsa rezultatet finale priten në orët e para të mëngjesit të së hënës sondazhet tregojnë se Fronti i Ri Popullor duke përfshirë të majtën ekstreme do të arrijnë që të sigurojnë në Asamblenë kombëtare nga 177 në 192 vende.

comment Për komente lëvizni më poshtë
Sot mund të lexoni Shfletoni kopertinat