Ambasada e Zvicrës në Kosovë i ka uruar fat Kosovës për ndeshjen e sontme ndaj Suedisë.
Me ndeshjen ndaj Suedisë, Kosova sonte nis ciklin kualifikues për kualifikime në Kampionatin Botëror “Katar 2022”.
Në prag të kësaj ndeshje, edhe Ambasada zvicerane në Kosovë i ka uruar fat “Dardanëve” dhe përzgjedhësit zviceran, Bernar Challandes.
“Pas fitores së madhe të mërkurën ndaj Lituanisë, ne i urojmë Kosovës dhe trajnerit Challandes fat të mirë për ndeshjen e sontme” – thuhet në postimin e tyre në “Facebook”.
Ndryshe, ndeshja mes Kosovës dhe Suedisë zhvillohet sonte (e diel) nga ora 20:45 në stadiumin “Fadil Vokrri”.