Ndeshja e shumëpërfolur ndërmjet Kosovës dhe Spanjës tashmë është shumë afër dhe të gjitha përgatitjet po bëhen që kjo sfidë të zhvillohet sipas të gjitha rregullave të UEFA-së dhe FIFA-së.
Diskutimet rreth kësaj çështje filluan menjëherë pas hedhjes së shortit dhe kishin të bënin me fajin e mosnjohjes së shtetësisë së Kosovës nga ana e Spanjës.
Por, tani kur kanë mbetur diçka më shumë se 24 orë deri te fillimi i kësaj ndeshje, Spanja është dorëzuar përballë faktit se Kosova është shtete dhe se do të përballet me të nën të gjitha ceremonitë shtetërore si flamuri e himni.
Në këtë linjë, sot të dy trajnerët, ai i Kosovës Bernard Challendes dhe ai i Spanjës, Luis Enrique do të dalin para mediave, por në orare të ndryshme, për të folur në lidhje me ndeshjen e cila zhvillohet nesër me fillim nga ora 20:45.
Bernard Challendes flet para mediave në ora 17:25, kurse Luis Enrique nga ora 18:35.
