Aktorja e njohur spanjolle Penelope Cruz është fituese e “çmimit kombëtar për kinematografi” në vendin e saj.
Ministria e Kulturës dhe Sporteve e Spanjës njoftoi se çmimi iu dha aktores, duke shpjeguar se në vitin 2021 ajo “pasuroi trashëgiminë kulturore spanjolle me arritjet e saj”.
Gjithashtu u theksua se aktorja 48-vjeçare është shtetasja e parë spanjolle që merr çmimin "Volpi Cup" për aktoren më të mirë në Festivalin e Filmit Italian në Venecia 2021, si dhe është nominuar për Oscar në kategorinë për aktorja më e mirë për herë të katërt.
Gjithashtu u theksua se artistja nga Madridi "ishte një nga lideret e shquara në vitet 1990, kur kinemaja spanjolle u rinovua dhe se mori pjesë në shumë filma shoqërorë dhe ndërkombëtarë".
Krahas Çmimit Kombëtar për Kinematografi, Cruz mori edhe një çmim në të holla prej 30 mijë eurosh.
Në karrierën e saj shumë të pasur deri tani, ajo ka luajtur në 65 filma, ka fituar Oscar në kategorinë "Aktorja më e mirë" për rolin në filmin e Woody Allen "Vicky, Christina, Barcelona" në vitin 2008 dhe ka fituar çmime në festivalet e Kanës në Franca dhe "Goya" në Spanjë.
