Populli ynë dikur thoshte:
Daullja rrah për atë që ka vesh,
por kjo thënie nuk vlen
për deputetët e Kuvendit të Kosovës,
të cilët, edhe pas 19 seancave,
nuk janë në gjendje
t’i themelojnë institucionet
e shtetit të vet.
Populli i Kosovës
është zhgënjyer,
sepse këta deputetë
në zgjedhjet e fundit
nuk i ka votuar
për ta lënë kaq gjatë
Kuvendin e Republikës
pa e konstituar.
Emri i Albulena Haxhiut
për Kryetare të Kuvendit të Republikës së Kosovës
mund të ndërrohet vetëm atëherë kur “të thonë”
ata që e dogjën flamurin e Dardanisë
të Dr. Ibrahim Rugovës, në tub mes drunjve.
Në mënyrën
si janë duke vepruar këta deputetë,
nuk i meritojnë rrogat nga qytetarët vetë,
pasi nuk duan të gjejnë
gjuhën e përbashkët,
për t’i kontribuar shtetit të Kosovës,
për pavarësinë e të cilit
është derdhur një det gjak
i bijave dhe bijve më të mirë
të kombit tonë,
që kanë flijuar jetën
për lirinë që e gëzojmë ne sot.
Me sjelljet e këtyre deputetëve
janë duke u çuditur
të gjitha shtetet mike,
që e kanë ndihmuar Kosovën
për t’u çliruar nga sundimi serb.
