Nesër i jepet lamtumira e fundit Dhimitër Anagnostit, homazhet do mbahen në TKOB

Kultura

Nesër i jepet lamtumira e fundit Dhimitër Anagnostit, homazhet do mbahen në TKOB

Më: 1 shtator 2025 Në ora: 17:22
Dhimitër Anagnosti

Të martën, regjisori i madh Dhimitër Anagnosti do të përcillet për në banesën e fundit.

Homazhet do të mbahen në Hollin e Teatrit të Operas dhe Baletit nga ora 10:00-13:00. Detajet u bënë me dije nga e bija e regjisorit, përmes një postimi në rrjete sociale.

Dhimitër Anagnosti, një nga figurat më të shquara të kinematografisë shqiptare, u nda nga jeta në moshën 89-vjeçare.

Në karrierën e tij 40-vjeçare, Anagnosti shkroi 15 skenarë, ndërsa realizoi 14 filma artistikë, 10 dokumentarë dhe disa çmime kombëtare e ndërkombëtare.

comment Për komente lëvizni më poshtë
Sot mund të lexoni Shfletoni kopertinat