Asnjë parti në Kosovë
të vërtetën s’e ka thënë;
pas pushtetit i ka fshehur
të gjitha ato
që kanë qenë të rëndësishme
për vendin tonë.
Pranuan Asociacionin e komunave
me shumicë serbe, të pakicës serbe në Kosovë.
Në fillim e gënjyen popullin,
duke thënë: “Kjo është zgjidhje
në pajtim me Planin e Martti Ahtisaarit.”
Pastaj e ndryshuan qëndrimin,
duke thënë: “Ky është kanceri i Kosovës,
prandaj duhet të refuzohet.”
Këtë “dhuratë” anti-Kosovë
vendit ia sollën partitë PDK dhe LDK,
në negociatat me palën serbe në Bruksel.
Kur e kuptuan se Asociacioni cenonte
sovranitetin e shtetit të Kosovës,
të dyja partitë u prononcuan para popullit,
duke e akuzuar njëra-tjetrën,
se “unë jo, por partia tjetër
e kishte pranuar këtë marrëveshje.”
Edhe Qakorin, Zhlebin, 8 200 hektarë
tokë të Kosovës ia dhanë Malit të Zi.
Në fillim e kundërshtuan,
por pasi siguruan postet në majë të pushtetit,
edhe këtë të keqe kundër Kosovës e pranuan.
Shumë autorë, politologë dhe patriotë shqiptarë,
në shkrimet e tyre e kanë thënë dhe stërthënë
se e keqja më e madhe e Kosovës
i vjen vetë nga politikanët.
