Gjatë ditës së sotme është rrahur gazetari Valon Syla.
Syla është sulmuar fizikisht në rrugën “Robert Doll” në Prishtinë.
Sipas raportimit në media, i dyshuari për sulmin fizik ndaj gazetarit Valon Syla është Bashkim Jupa nga fshati Molliq komuna e Gjakovës, me vendbanim në Zvicër.
Ai thuhet se është vëllai i zyrtarit të lartë të PDK-së dhe ish-zëvendësministrit të Tregtisë dhe Industrisë, Bekim Jupa.
Pas këtij lajmi të publikuar, ka reaguar edhe zyrtari i LVV-së, Avni Zogiani.
Sipas tij, kësi filma ka dit me bë veç Serbia.
Madje ai në Facebook, shkruan se pas videos që u publikua, ata paskan pi edhe kafe bashkë.
“Veç Serbia ka ditë me bë kësi filma!
Pas incizimit të videos, e paskan pi ka një kafe bashkë...”, shkruan Zogiani, transmeton gazeta “Bota sot”.
Ndryshe, ky sulm fizik ndaj gazetarit Valon Syla vjen pas shkrimeve të tij lidhur me fluksin e madh të mërgatës që kanë ardhur në Kosovë gjatë këtyre ditëve.
Por Syla, ka kohë që ka nisur një fushatë të egër ndaj mërgimtarëve.
Ai madje duke i fyer i quante edhe “gërrnaça”.
