​Haradinaj: Majlinda Kelmendi do të mbetet përgjithmonë heroina jonë

Lajme

​Haradinaj: Majlinda Kelmendi do të mbetet përgjithmonë heroina jonë

Më: 6 dhjetor 2021 Në ora: 19:59
Ramush Haradinaj dhe Majlinda Kelmendi

Kryetari i AAK-së Ramush Haradinaj ka reaguar pasi xhudistja e njohur kosovare Majlinda Kelmendi i dha sot fund edhe zyrtarisht karrierës së saj të pasur.

Në një postim në Facebook, Haradinaj ka thënë se Majlinda Kelmendi do të mbetet përgjithmonë heroina jonë dhe fitoret e saja do të vazhdojnë të frymëzojnë gjenerata të tëra të sportistëve shqiptarë.

Postimi i plotë:

Ajo na solli lajme të mira e na dhuroi shumë çaste krenarie. Lartësoi e i dha ngjyra flamurit tonë. U bë inspirim, nder dhe krenari e shqiptarëve.

Ajo është çika jonë e artë. Mbretëresha e Xhudos.

Majlinda Kelmendi që sot përmbylli karrierën e saj si garuese, do të mbetet përgjithmonë heroina jonë. Fitoret e saja do të vazhdojnë të frymëzojnë gjenerata të tëra të sportistëve shqiptarë.

Fat e suksese të mëtejshme Majlinda!

RH

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat