Bartësi i listës zgjedhore të koalicionit të Partisë Socialiste të Serbisë (SPS), Serbisë së Bashkuar dhe të Gjelbërve të Serbisë, Ivica Daçiq, ka vlerësuar sot se në rast se Serbia “grindet” me Rusinë, Moska do ta “lërë” të kalojë pavarësinë e Kosovës. Këshilli i Sigurimit i OKB-së.
Siç raportojnë mediat serbe Ivica Daçiq përsëriti se Serbia respekton parimin e integritetit territorial, duke përfshirë, siç tha ai, Ukrainën, por shtoi se qëndrimi i vetëm i lidershipit shtetëror është se “në këtë moment” nuk do të vendosë sanksione ndaj Rusisë.
“Kjo do të ishte vetëvrasje politike e Serbisë,” tha Daçiç për Radio Televizionin e Vojvodinës (RTV).
Ai përsëriti se ishte “absolutisht” kundër anëtarësimit të Serbisë në NATO dhe për statusin e neutralitetit ushtarak, megjithëse, siç tha ai, kjo nënkupton presione të shumta ndaj Beogradit.
“Unë jam alergjik kur ato vende që shkelën parimin e integritetit territorial duke e njohur Kosovën tani flasin për një parim gjithëpërfshirës. Ne po flasim për dikë që lejohet ta shkelë atë parim dhe dikush jo”, tha kreu socialist.
Duke thënë se Serbia asnjëherë nuk do ta pranojë pavarësinë e Kosovës, Daçiq vlerësoi se duhet të vazhdohet me politikën lobimit për çnjohjen e kësaj pavarësie.
“Nuk bëhet fjalë që ne të pranojmë pavarësinë e shpallur në mënyrë të njëanshme nën presion. Serbia duhet të arrijë një kompromis, duhet të vazhdojë dialogu dhe të kërkohen zgjidhje,” tha Daçiç.
Ai shtoi se Serbia do të rifillonte procesin e tërheqjes së njohjes së pavarësisë së Kosovës nëse Prishtina do të dorëzonte një kërkesë zyrtare për anëtarësim në organizatat ndërkombëtare.
“Ne jemi zotuar në marrëveshjen e Uashingtonit për një moratorium për tërheqjet, por nëse Prishtina ka paraqitur një kërkesë formale për anëtarësim dhe nuk ka pasur një kërkesë të tillë deri më tani, atëherë kjo do të thotë se marrëveshja nuk ekziston më. Prandaj, është Më mirë që ata t’i drejtohen bisedimeve, sepse nëse e shkelin marrëveshjen, do të përballen me pasoja të rënda sepse më shumë vende do të tërheqin njohjen e tyre”, tha Daçiq.
