Shkurte Gashi para pak ditësh u bë nënë për herë të parë.
Këngëtarja Shkurte Gashi muajt e fundit ishte tërhequr nga vëmendja e publikut, duke mos dhënë asnjë sqarim.
Por, duket se shkak për këtë ishte shtatzënia, të cilën këngëtarja vendosi ta mbajë sa më private. Së fundi, Shkurta mori epitetin nënë për herë të parë, teksa solli në jetë një djalë.
Artistja ende nuk ka bërë ndonjë postim në rrjete sociale, megjithatë janë miqtë e saj që po zbulojnë detaje rreth lindjes së këngëtares.
Sot, Shkurta është mirëpritur në shtëpi bashkë me foshnjën, ndërsa detaji që vërehet është edhe emri i fëmijës.
Artistja dhe partneri i saj kanë vendosur që djalin ta pagëzojnë Mal.
