Kim Kardashian është rikthyer në Instagram pa unazën e martesës, mes spekulimeve të divorcit.
Ndërsa spekulimet për divorc vazhdojnë, Kim Kardashian West u kthye në Instagram të hënën dhe vendosi të mos vendoste asnjë lloj unaze në gishtin e martesës, shkruan Entertainment Tonight.
Në postimet e reja promovuese për linjën e saj Skims, ylli i reality-shout, 40-vjeçe, pozoi me çorape dhe sytjena ndërsa ishte ulur në dysheme.
Në një foto, ajo e mban dorën lart në fytyrë, duke treguar gishtat pa asnjë unazë në ta.
Më vonë gjatë ditës, Kim ndau disa fotografi të saj me shoqen e fëmijërisë Allison Statter për të uruar ditëlindjen e saj.
Në foto, nëna e katër fëmijëve kishte vendosur një unazë në gishtin e martesës. Gjërat nuk po duken mirë për të ardhmen e martesës së Kim dhe Kanye West.
Një burim i tha më parë ET, “Kim ka provuar gjithçka që mundet që gjërat të funksionojnë me Kanye por nuk po funksionon. Kim e ka mbajtur marrëdhënien me shpresën e një ndryshimi dhe për hir të fëmijëve, por të gjitha shenjat tregojnë divorcin”.
