Një nga pesë hajdutët që grabitën Kim Kardashianin në Paris në vitin 2016 shkroi një libër për atë që ndodhi me të vërtetë gjatë vjedhjes së madhe të bizhuterive në vlerë tetë milionë funte.
Yunice Abbas, i cili është në të 60-at e tij, ishte një nga 11 të dyshuarit e akuzuar pas grabitjes dhe aktualisht po pret gjyqin. Në librin e tij, me titull “I sequestered Kim Kardashian”, që do të botohet në Francë javën e ardhshme, ai zbulon se si ylli Kim Kardashian u përpoq të thërriste 911 për të kërkuar ndihmë, shkruan DailyMail.
Banda prej pesë hajdutësh e lidhën nënën e katër fëmijëve më 2 tetor të vitit 2016 ndërsa ajo qëndroi në apartamentin e saj në kompleksin luksoz “Hotel de Pourtalès” në Paris për Javën e Modës. Në total, ata vodhën xhevahire me vlerë rreth 10 milionë dollarë, përfshirë unazën e fejesës së saj, teksa vazhdimishtr e mbajtën atë nën kërcënim me armë zjarri te koka.
Në libër, ku bashkëautor është French Closer, Abbas zbuloi se grupi gabimisht mori telefonin e yllit kur ata u larguan nga skena dhe e kuptuan që këngëtarja Tracy Chapman po e thërriste.
Ai gjithashtu zbuloi se grupi mbështetej tek të moshuarit për të zbuluar ndërtesën në mënyrë që të përgatiteshin për vjedhjen, dhe se Kim dhe sekretaresha e saj vazhdonin të telefononin 911 në momentet e para të grabitjes, megjithëse ishin në Francë.
Nuk është e qartë pse Abbas, i cili nuk është fotografuar kurrë, vendosi të shkruaj një libër duke rrëfyer përfshirjen e tij përpara gjyqit. Në qershor u raportua se prokurorët po bënin presion për të caktuar një datë, por gjykatësit ende nuk kanë marrë një vendim nëse do të vazhdojnë në gjyq.
Abbas tregon se si pesë burrat ikën nga grabitja duke përdorur biçikleta dhe gati sa nuk lëshuan plaçkat e tyre në rrugët e Parisit ndërsa përpiqeshin të shmangnin policinë.
Ai tregon se si e dëgjoi zilen e një telefoni që vinte nga çanta që përmbante bizhuteritë e Kimit.
“Në momentin që kaloi një makinë policie duke kërkuar lagjen, dëgjoj tingullin e një zile telefonike të papajtueshme”, shkruan ai.
“Para syve të mi të pabesueshëm, një emër shfaqet në ekran ndërsa ndizet. Në asnjë mënyrë, unë nuk u lëkunda”, shton ai, duke shpjeguar se ishte këngëtarja Tracy Chapman po e thërriste Kim Kardashianin në telefonin, të cilin hajnat e kishin marrë pa e kuptuar as pse.
Duke iu kthyer mënyrës se si ishte organizuar vjedhja, ai zbuloi se banda përdori bashkëpunëtorë të moshuar për të zbuluar ndërtesat e vendosura mu në qendër të Parisit.
“Çfarë është më qetësuese sesa të moshuarit, të cilët janë po aq paqësorë sa edhe anonimë, për të mbledhur maksimumin e informacionit në skenë”, shkruan Abbas.
Vjedhësi, i cili është duke pritur të gjykohet për krimin e tij, së bashku me 11 personat e arrestuar në vitin 2017 pas testimit të ADN-së, shpjegoi gjithashtu se si Kim Kardashian dhe sekretaresha e saj u morën me situatën stresuese.
“Dy bukuroshet tona me kokëfortësi u përpoqën të telefononin 911”, shkruan Abbas në libër, “numrin e thirrjes urgjente për Sh.B.A. Jo shumë efikas kur je në Paris”.
Ai shtoi se ylli ‘u bind’ pasi të kuptonte se grabitësit nuk po ‘kërcënonin jetën e saj’.
Libri po pritet me shumë eufori në Francë përpara botimit të tij më 4 shkurt, që vjen pasi kanë kaluar më shumë se katër vjet pas grabitjes.
Kardashian kishte mbetur e vetme në suitë ndërsa truproja i saj shkoi në një klub nate në ‘Champs-Elysées’ me motrat e saj, Kourtney dhe Kendall Jenner.
Kardashian u lidh dhe u fut në banjën e hotelit ndërsa grabitësit zgjodhën copat e argjendarisë së saj me diamantë.
Thesaret personale të marra përfshinin dy byzylykë diamantë ‘Cartier’, një gjerdan ‘Jacob’ në ar të veshur me diamante, vathë me diamante dhe një gjerdan nga ‘Loraine Schwarz’.
Ndërsa Kardashian nuk u lëndua seriozisht, ajo u tha që ishte ‘tronditur keq’.
