Kënga e frymëzuar nga karantina e Ariana Grandes dhe Justin Bieber, “Stuck With U”, tani ka mbledhur mbi 3.5 milionë dollarë që shkojnë në ndihmë të familjeve, mjekëve dhe infermierëve.
Projekti, i cili u publikua më 8 maj të vitit 2020, u regjistrua si një përgjigje e pandemisë COVID-19 dhe dhuroi 100% të fitimeve të tij nga transmetimet dhe shitjet.
Një bashkëpunim midis Grande, Bieber, Scooter Braun’s SB Projects (i cili menaxhon Grande dhe Bieber), Republic Records dhe Def Jam Recordings, fitimet e këngës do të përdoren për të ndihmuar familjet, punonjësit e kujdesit shëndetësor, mjekët e zjarrfikësit – të cilët ishin në vijën e parë të pandemisë.
“Ndërsa bota po izolohej, ne po kërkonim mënyra se si mund të kishim një ndikim pasi ka qenë gjithmonë përparësia e Scooter, SB Projects e po ashtu edhe e artistëve”, tha Shauna Nep, nënkryetare e filantropisë për SB Projects.
“Ne ishim shumë të emocionuar që u bëmë partnerë me First Responders Children’s Foundation, të cilët kanë mbështetur ata në vijën e parë të pandemisë, si dhe familjet e tyre. Më shumë se një vit më vonë, ne jemi shumë krenarë të shohim se sa është mbledhur dhe çfarë është arritur. Falenderojmë Fondacionin për udhëheqjen dhe angazhimin e tyre në këtë punë”.
Përveç ndikimit të tij bamirës, “Stuck With U” ishte gjithashtu një hit, duke debutuar në krye të Billboard 100 dhe duke fituar çmimin për ‘Videon më të mirë muzikore’ në MTV VMA 2020.
Videoja e realizuar në shtëpi përfshinte gruan e Bieber, Hailey, burrin e Grandes, Dalton Gomez, Kylie dhe Kendall Jenner, Demi Lovato, Chance the Rapper, Kanye West, Kim Kardashian, Michael Buble dhe Jaden Smith.
