Reagimet nuk po shuhen pas aksidentit ku aktori Alec Baldwin vrau kameramanen Halyna Hutchins në xhirime dhe plagosi regjisorin Joel Souza.
Vajza e aktorit Ireland hyri në Instagram dhe i shkroi një mesazh mbështetjeje dhe pranoi se kishte marrë shumë mesazhe.
"Ndër të gjitha komentet e neveritshme dhe kërcënuese, emailet, mesazhet me tekst dhe postat zanore që kam marrë ishte edhe ky koment i mrekullueshëm. Unë e njoh babin tim dhe ju thjesht jo. Unë të dua babi", ka shkruar Ireland dhe ka ndarë me ndjekësit një koment që ajo iu referua një personi që e kishte takuar Alec më herët.
"Kam punuar me të famshëm goxha budallenj, por babai juaj nuk ka qenë kurrë i tillë. Ai thjesht donte të sigurohej që të kishte qumësht dhe drithëra në dhomën e tij të hotelit kur vajza e tij të vinte për vizitë. Kjo ishte ajo. Unë do ta mbaj mend gjithmonë këtë," thuhet në komentin e veçuar nga Ireland.
Ireland shkroi më parë se familja dhe miqtë e të ndjerës Halyne Hutchins kanë gjithë mbështetjen dhe dashurinë e saj. Pas tragjedisë ajo ka postuar një foto me të atin me një përshkrim emocionues.
Nga rruga, Alec ka vajzën e tij Ireland nga martesa me Kim Basinger, nga e cila u divorcua në vitin 2002. Më vonë ai u takua me prezantuesen dhe instruktoren e jogës Hilary Thomas, me të cilën u martua në vitin 2012 dhe kanë gjashtë fëmijë.
