Dita e djeshme (19 nëntor) ka qenë mjaft e veçantë për Melinda Ademin.
Kjo sepse reperja e njohur ka festuar ditëlindjen e 26-të, ndërsa është organizuar një festë po ashtu e veçantë dhe luksoze në këtë ditë për të.
Reperja ditën e saj të lindjes po e feston në Stamboll, me një darkë romantike pranë urës së Bosforit, teksa nuk ka munguar një dhuratë unike për të.
Në urën e famshme të Bosforit është ndriçuar emri i saj dhe një urim për ditëlindje, ku shkruhej “Melinda, urime ditëlindjen”.
Këto pamje i ka ndarë me fansat në Instagram vet reperja, e cila shihet e veshur me një fustan të shkurtër ngjyrë vjollce dhe një trëndafil të kuq që mban në dorë.
Ndërkohë, reperja e cila e ruan me fanatizëm jetën private, edhe këtë herë e ka lënë enigmë personin që po e shoqëron këtë natë.
Ndryshe, Melinda aktualisht po shijon suksesin e këngës së fundit “Melodia”, që deri tani ka grumbulluar mbi pesë milionë ndjekës në YouTube.
