Pas daljes nga BBV, Fifi publikon demon e këngës së re “Diell”

Mediale Vip

Pas daljes nga BBV, Fifi publikon demon e këngës së re “Diell”

Më: 27 nëntor 2021 Në ora: 16:55
Fifi

Këngëtarja e njohur Filloreta Raçi – Fifi, ka qenë shumë e përfolur në media gjatë kësaj jave.

Kjo pasi ajo u largua nga spektakli Big Brother VIP, pas qëndrimit më shumë se 55 ditë në shtëpinë më të famshme në Shqipëri.

Gjatë kohës sa ka qenë brenda, Fifi nuk e ka humbur kohën kot, pasi ka kompozuar këngët e saj të radhës, një prej të cilave titullohet “Diell”.

Është pikërisht kjo këngë, së cilës ajo ia shkroi tekstin në Big Brother VIP, ndërkohë Flori nga jashtë i kishte realizuar edhe muzikën, duke e shpërndarë në rrjetin social Instagram.

Tani Fifi nuk ka vonuar shumë dhe ka publikuar në YouTube demon e plotë të këngës, në të cilën është i inkuadruar edhe Bruno.

Në përshkrimin e videos, ajo ka bërë të ditur se “Diell” për momentin është vetëm demo, duke lënë kështu të kuptohet se mendon që së shpejti ta realizojë të plotë së shpejti edhe me klip.

Përndryshe, të premten ajo dha një intervistë në skenën e spektaklit të BBV, ku tregoi arsyet e largimit nga shtëpia, duke e quajtur veten si “një nga konkurrentet më të forta aty brenda”

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat