Donaldi dhe Beatrix vazhdojnë të puthen si nuse e dhëndër

Mediale Vip

Donaldi dhe Beatrix vazhdojnë të puthen si nuse e dhëndër

Më: 2 dhjetor 2021 Në ora: 23:38
Donald Veshaj dhe Beatrix Ramosaj

Banorët e Big Brother VIP kanë organizuar një dasmë, në kuadër të një kërkese që iu ka parashtruar “vëllai i madh”.

Tema ka qenë një dasmë jugu dhe banorët kanë zgjedhur që çifti i dasmës duhet të jenë aktori dhe Donald Veshaj dhe këngëtarja Beatrix Ramosaj.

Këta të fundit janë bërë kryelajm në mediat rozë, për shkak se kanë konfirmuar lidhjen e tyre përmes një puthje publike që e kanë dhënë para kamerave të BBV.

Në dasmën e organizuar brenda shtëpisë, Beatrix dhe Donaldi janë veshur si dhëndër, ndërsa kanë improvizuar para banorëve momentin e betimit.

Në një moment, ata madje kanë shkëmbyer puthjen e nuses dhe dhëndrit, me çka kanë ngjallur edhe më tej aludimet se afrimiteti mes tyre është serioz.

“Vëllai i madh” iu kishte dhënë për detyrë banorëve që të organizonin një dasmë jugu, në kuadër të provës së javës.

Donaldi është pritur me kritika dhe nota negative nga jashtë për shkak të kësaj afërsie me Beatrixin, kur vetëm pak muaj më parë dha indikacione se dëshironte një rikthim me ish-të dashurën e tij, prezantuesen Bora Zemani.

Ndryshe, BIG Brother VIP Albania mund ta ndiqni ekskluzivisht në platformën IPKO, në dy kanale të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 31 dhe 32 në listën e kanaleve, si dhe përmbledhjen javore në kanalin TOP Channel.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat