Nisin xhirimet e filmit “Sirin” të regjisorit Shahmanoviq, në rolin kryesor aktorja nga Kosova

Mediale Vip

Nisin xhirimet e filmit “Sirin” të regjisorit Shahmanoviq, në rolin kryesor aktorja nga Kosova

Më: 18 janar 2022 Në ora: 00:33
Majlinda Kasumovic

Kanë filluar xhirimet e filmit “Sirin” me regji të regjisorit malazez, Senad Shahmanoviq.

Kjo është bërë e ditur në bazë të njoftimi që është shpërndarë në rrjete sociale, gjegjësisht në Facebook.

Në njërin nga rolet kryesore në film e luan edhe aktorja e njohur nga Kosova, Majlinda Kasumoviq.

Siç mësohet, ajo do të luajë krahas aktorëve të njohur evropianë siç është: Danica Curicic dhe ylli i filmit boshnjak “Qui Vadia Aida”, Jasna Djuricic.

Në rolet e tjera do të paraqiten edhe aktorët: Fatmir Spahiu, Simon Shkreli, Bashkim Alaj etj.

Xhirimet e filmit do të realizohen në Ulqin dhe Podgoricë, kurse premiera e këtij projekti do të jetë në fund të këtij viti.

Duhet theksuar që ky film është bashkëprodhim i Malit të Zi, Kosovës, Shqipërisë, Bosnjës dhe Kroacisë. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat