Dy vite nga vdekja e Kobe Bryant dhe vajzës së tij – legjendës së basketbollit i bëjnë një statujë prej bronzi në vendin e rrëzimit të helikopterit

Mediale Vip

Dy vite nga vdekja e Kobe Bryant dhe vajzës së tij – legjendës së basketbollit i bëjnë një statujë prej bronzi në vendin e rrëzimit të helikopterit

Më: 27 janar 2022 Në ora: 11:20
Statujë në nder të legjendës së basketbollit, Kobe Bryant dhe vajzës së tij

Legjenda e Los Angeles Lakers, Kobe Bryant dhe vajza e tij, Gianna, u përkujtuan me statujë prej bronzi të vendosur në vendin e rrëzimit të helikopterit, në dyvjetorin e ndodhjes së ngjarjes.

Ikona e basketbollit humbi jetën më 26 janar të vitit 2020 në një aksident ajror me helikopterin e tij privat në Calabasas një qytet që është 70 km larg Los Angelesit.

Në aksident vdiqën edhe shtatë persona të tjerë.

Statuja dedikuar yllit të NBA-së dhe babait krenar të katër fëmijëve, së bashku me Giannan, u vendos në vendin e aksidentit tragjik në një zonë malore të Calabasas në Los Angeles.

Skulptori, Dan Medina, shkroi: “Heronjtë vijnë dhe shkojnë, por legjendat mbesin përgjithmonë”, gjersa nderoi edhe shtatë viktimat e tjera me emrat e tyre në një pllakë, në bazën e statujës.

Statuja e shfaq Kobe duke e parë me admirim Giannan, e cila ishte vetëm 13-vjeçe kur ndodhi ngjarja tronditëse.

Babë e bijë shfaqen me fanellat e tyre përkatëse të basketbollit dhe Bryant me numrin e tij, 24.

Shumë njerëz në po atë vend e nderuan legjendën e basketbollit dhe viktimat e tragjedisë duke vendosur lule përpara statujës.

Kobe, i cili ishte 41 vjeç në kohën e vdekjes së tij, dhe Gianna po fluturonin nga Orange County në një turne basketbolli në Ventura County.

I ndjeri duhet theksuar ishte një prej emrave më të mëdhenj në histori të ligës më të fortë të basketbollit në botë, NBA. Gjatë karrierës së bujshme ishte shpallur pesë herë kampion me Los Angeles Lakers.

Image
Statujë në nder të legjendës së basketbollit, Kobe Bryant dhe vajzës së tij
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat